aashiq ko dekhte hain dupaTTe ko taan kar — Meer Anees

khaak se hai khaak ko ulfat taDaptaa huun 'anis'
karbalaa ke vaaste main karbalaa mere liye

'anis' dam kaa bharosaa nahin Thahar jaao
charaagh le ke kahaan saamne havaa ke chale

tamaam umr jo ki ham se be-rukhi sab ne
kafan mein ham bhi azizon se munh chhupaa ke chale

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

ashk-e-gham dida-e-pur-nam se sambhaale na gae
ye vo bachche hain jo maan baap se paale na gae

sivaae khaak ke baaqi asar nishaan se na the
zamin se dab gae dabte jo aasmaan se na the

husn jalva dikhaa gayaa apnaa
ishq baiThaa rahaa udaas kahin

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa

meri saj-dhaj to koi ishq-e-butaan mein dekhe
saath qashqe ke hai zunnaar-e-barahman kaisaa

ishq aur aql mein hui hai shart
jiit aur haar kaa tamaashaa hai

haakim-e-ishq ne jab aql ki taqsir suni
ho ghazab hukm diyaa des nikaalaa karne

ghair taraf kyunki nazar kar sakun
khauf hai tujh ishq ke jaasus kaa