Saleem Siddiqi

ek din to dil ko bhi tarjih de kar dekh luun
aql se kah do ki mujh ko aaj tanhaa chhoD de

na to ranj-o-gham se hi rabt hai na hi aashnaa-e-khushi huun main
miri zindagi bhi ajiib hai ise manzilon kaa pataa nahin

mulk ki galiyaan lahu piine ki aadi ho na jaaein
ye taassub zahr kaa zehnon mein bharnaa chhoD de

dushman se aise kaun bhalaa jiit paaegaa
jo dosti ke bhes mein chhup kar daghaa kare

galiyon galiyon shahron shahron kis ne aag lagaai hai
bughz-o-nafrat kaa duniyaa ko kis ne ye maahaul diyaa