dushman se aise kaun bhalaa jiit paaegaa — Saleem Siddiqi

na to ranj-o-gham se hi rabt hai na hi aashnaa-e-khushi huun main
miri zindagi bhi ajiib hai ise manzilon kaa pataa nahin

mulk ki galiyaan lahu piine ki aadi ho na jaaein
ye taassub zahr kaa zehnon mein bharnaa chhoD de

galiyon galiyon shahron shahron kis ne aag lagaai hai
bughz-o-nafrat kaa duniyaa ko kis ne ye maahaul diyaa

ek din to dil ko bhi tarjih de kar dekh luun
aql se kah do ki mujh ko aaj tanhaa chhoD de

jab ki pahlu se yaar uThtaa hai
dard be-ikhtiyaar uThtaa hai

kuchh is liye bhi akelaa saa ho gayaa huun 'nadim'
sabhi ko dost banaayaa hai dushmani nahin ki

main sahraa jaa ke qabr-e-hazrat-e-majnun ko dekhaa thaa
ziyaarat karte the aahu bagula tauf kartaa thaa

phuul khulte hi titli bhi aai
kyaa koi dosti puraani hai

utni der sameTun saare dukh tere
jitni der ai dost bikhar nahin jaataa main

khafaa na ho ki tiraa husn hi kuchh aisaa thaa
main tujh se pyaar na kartaa to aur kyaa kartaa