Salik Lakhnavi

"sahil pe qaid lakhon safinon ke vaste meri shikasta naav hai tufan liye hue"

"jo teri bazm se uTTha vo is tarah uTTha kisi ki aankh men aansu kisi ke daman men"

"apni khuddari salamat dil ka aalam kuchh sahi jis jagah se uTh chuke hain us jagah phir jaa.en kya"

"manzil na mili kashmakash-e-ahl-e-nazar men is bhiiD se main apni nazar le ke chala huun"

"ye bhi ik raat kaT hi ja.egi sub.h-e-farda ki muntazir hai nigah"

"miT chuke jo bhi the tauba-shikani ke asbab ab na mai-khana na paimana na shisha na subu"

aaj bhi hai vahi maqaam aaj bhi lab pe un kaa naam
manzil-e-be-shumaar-gaam apne safar ko kyaa karun

dil ne siine mein kuchh qaraar liyaa
jab tujhe khuub saa pukaar liyaa

mai-khaana-e-hasti mein saaqi ham donon hi mujrim hain shaayad
khum tu ne bachaa ke rakkhe the paimaane main ne toDe hain

apni khuddaari salaamat dil kaa aalam kuchh sahi
jis jagah se uTh chuke hain us jagah phir jaaein kyaa

miT chuke jo bhi the tauba-shikani ke asbaab
ab na mai-khaana na paimaana na shisha na subu

bahaar-e-gulistaan ham ko na pahchaane taajjub hai
gulon ke rukh pe chhiDkaa hai bahut khun-e-jigar ham ne