Sarfraz Danish

gham ka suraj to Dubta hi nahin
dhuup hi dhuup hai kidhar jaa.en

chand lamhe ko tu khvabon men bhi aa kar jhank le
zindagi tujh se mile kitne zamane ho ga.e

shahr bhar ke a.inon par khaak Daali ja.egi
aaj phir sachcha.i ki surat chhupa li ja.egi

tilism toD diya ik sharir bachche ne
mira vajud udasi ka isti.ara tha

hamara sher bhi lauh-e-tilism hai shayad
har ek rukh se hamen be-naqab karta hai

raat ki sarhad yaqinan aa ga.i
jism se saaya juda hone laga

chand lamhe ko tu khvaabon mein bhi aa kar jhaank le
zindagi tujh se mile kitne zamaane ho gae

ham apne jalte hue ghar ko kaise ro lete
hamaare chaaron taraf ek hi nazaaraa thaa

hamaaraa sher bhi lauh-e-tilism hai shaayad
har ek rukh se hamein be-naqaab kartaa hai

gham kaa suraj to Dubtaa hi nahin
dhuup hi dhuup hai kidhar jaaein

shahr bhar ke aainon par khaak Daali jaaegi
aaj phir sachchaai ki surat chhupaa li jaaegi

tilism toD diyaa ik sharir bachche ne
miraa vajud udaasi kaa istiaaraa thaa