Shaad Aarfi

tum salamat raho qayamat tak
aur qayamat kabhi na aa.e 'shad'

'shad' ghair-mumkin hai shikva-e-butan mujh se
main ne jis se ulfat ki us ko ba-vafa paaya

kaTti hai aarzu ke sahare pe zindagi
kaise kahun kisi ki tamanna na chahiye

dekh kar sha.ir ne us ko nukta-e-hikmat kaha
aur be-soche zamane ne use ''aurat'' kaha

rang la.egi hamari tang-dasti ek din
misl-e-ghalib 'shad' gar sab kuchh udhar aata gaya

kahin fitrat badal sakti hai namon ke badalne se
janab-e-shaikh ko main barhaman kah duun to kya hoga

jab chali apnon ki gardan par chali
chuum luun munh aap ki talvaar kaa

jahaan-e-dard mein insaaniyat ke naate se
koi bayaan kare meri daastaan hogi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

ab unhein tashrif laanaa chaahiye
raat mein likhti hai raani raat ki

kahin fitrat badal sakti hai naamon ke badalne se
janaab-e-shaikh ko main barhaman kah duun to kyaa hogaa

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa