kahin fitrat badal sakti hai naamon ke badalne se — Shaad Aarfi

jab chali apnon ki gardan par chali
chuum luun munh aap ki talvaar kaa

jahaan-e-dard mein insaaniyat ke naate se
koi bayaan kare meri daastaan hogi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

ab unhein tashrif laanaa chaahiye
raat mein likhti hai raani raat ki

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa

rang laaegi hamaari tang-dasti ek din
misl-e-ghaalib 'shaad' gar sab kuchh udhaar aataa gayaa

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

chaand ne taan li hai chaadar-e-abr
ab vo kapDe badal rahi hogi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

dil-e-haris hi apnaa na ho sakaa qaane
vagarna tere karam mein to kuchh kami na rahi