ab unhein tashrif laanaa chaahiye — Shaad Aarfi

jab chali apnon ki gardan par chali
chuum luun munh aap ki talvaar kaa

jahaan-e-dard mein insaaniyat ke naate se
koi bayaan kare meri daastaan hogi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

kahin fitrat badal sakti hai naamon ke badalne se
janaab-e-shaikh ko main barhaman kah duun to kyaa hogaa

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa

rang laaegi hamaari tang-dasti ek din
misl-e-ghaalib 'shaad' gar sab kuchh udhaar aataa gayaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

teri kyaa ye haalat ho gai hai 'maamun'
khud hi kah rahaa hai khud hi sun rahaa hai

vaqt-e-iftaar tum bhi aa jaanaa
meri aankhein bhi roza kholeingi

sun kisi din to mire gham ki kahaani
tujh ko dard-e-dil bataanaa chaahti huun