Shahid Ghazi

muflison ki basti ko bekasi ne ghera hai
har taraf udasi hai zulmaton ka Dera hai

sau diye jala.e hain doston ke angan men
phir bhi mere angan men har taraf andhera hai

zulm sah ke bhi main ne honT si liye 'ghazi'
ek zarf un ka hai ek zarf mera hai

is rang badalti duniya men pahchan baDi hi mushkil hai
ye kis ko khabar hai ai 'shahid' kis bhes men kaun luTera hai

teri fayyazi ke the charche bahut main ne sune
phir bhi tere mai-kade se tishna-kam aaya huun main

tujhe is gaanv se jaana hai ik din
haveli kyuun banana chahta hai

tujhe is gaanv se jaanaa hai ik din
haveli kyuun banaanaa chaahtaa hai

muflison ki basti ko bekasi ne gheraa hai
har taraf udaasi hai zulmaton kaa Deraa hai

sau diye jalaae hain doston ke aangan mein
phir bhi mere aangan mein har taraf andheraa hai

zulm sah ke bhi main ne honT si liye 'ghaazi'
ek zarf un kaa hai ek zarf meraa hai

maajhi ne Duboyaa hai lahron ne uchhaalaa hai
gardish ke samundar kaa dastur niraalaa hai

is rang badalti duniyaa mein pahchaan baDi hi mushkil hai
ye kis ko khabar hai ai 'shaahid' kis bhes mein kaun luTeraa hai