sau diye jalaae hain doston ke aangan mein — Shahid Ghazi

tujhe is gaanv se jaanaa hai ik din
haveli kyuun banaanaa chaahtaa hai

muflison ki basti ko bekasi ne gheraa hai
har taraf udaasi hai zulmaton kaa Deraa hai

zulm sah ke bhi main ne honT si liye 'ghaazi'
ek zarf un kaa hai ek zarf meraa hai

maajhi ne Duboyaa hai lahron ne uchhaalaa hai
gardish ke samundar kaa dastur niraalaa hai

is rang badalti duniyaa mein pahchaan baDi hi mushkil hai
ye kis ko khabar hai ai 'shaahid' kis bhes mein kaun luTeraa hai

teri fayyaazi ke the charche bahut main ne sune
phir bhi tere mai-kade se tishna-kaam aayaa huun main

jab ki pahlu se yaar uThtaa hai
dard be-ikhtiyaar uThtaa hai

dam na niklaa yaar ki naa-mehrbaani dekh kar
sakht hairaan huun main apni sakht-jaani dekh kar

dekho na zaat paat na naam-o-nasab 'shifaa'
par dost jab banaao to kirdaar dekh kar

har samt main huun aur mire hone ki hai khabar
duniyaa visaal-e-yaar se pahle ki baat thi

havaa hai aasmaan hai aag hai paani hai miTTi hai
nuqush-e-yaar gar hote to main duniyaa banaa letaa

zalzala nepal mein aayaa ki hindostaan mein
zalzale ke naam se tharraa uThaa saaraa jahaan