Sharaf Mujaddidi

hazrat-e-naseh bhi mai piine lage
ab mujhe samjhane vaala kaun tha

parsa ban ke su-e-mai-khana
sar jhuka.e hue ham jaate hain

ek ko ek nahin rashk se marne deta
ye naya kucha-e-qatil men tamasha dekha

shaikh kuchh apne-ap ko samjhen
mai-kashon ki nazar men kuchh bhi nahin

is parde men ye husn ka aalam hai ilahi
be-parda vo ho jaa.en to kya janiye kya ho

qadmon pe gira to haT ke bole
andha hai to dekhta nahin hai

is parde mein ye husn kaa aalam hai ilaahi
be-parda vo ho jaaein to kyaa jaaniye kyaa ho

teri aankhein jise chaahein use apnaa kar lein
kaash aisaa hi sikhaa dein koi afsun mujh ko

dil mein mire jigar mein mire aankh mein miri
har jaa hai dost aur nahin milti hai jaa-e-dost

allaah allaah khususiyyat-e-zaat-e-hasnain
saari ummat ke hain poton se navaase baDh kar

tamaam chaaragaron se to mil chukaa hai javaab
tumhein bhi dard-e-mohabbat sunaae dete hain

ushshaaq ke aage na laDaa ghairon se aankhein
Dar hai ki na ho jaae laDaai tire dar par