Syed Yusuf Ali Khan Nazim

"kahte ho sab ki tujh se khafa ho gaya hai yaar ye bhi koi batao ki kis baat par hua"

"iid ke din ja.iye kyuun id-gah jab ki dar-e-mai-kada va ho gaya"

"hai eid mai-kade ko chalo dekhta hai kaun shahd o shakar pe TuuT paDe roza-dar aaj"

"vahi ma.abud hai 'nazim' jo hai mahbub apna kaam kuchh ham ko na masjid se na but-khane se"

"aa gaya dhyan men mazmun tiri yakta.i ka aaj matl.a hua misra.a miri tanha.i ka"

"ye kis zohra-jabin ki anjuman men aamad aamad hai bichhaya hai qamar ne chandni ka farsh mahfil men"

kahte ho sab ki tujh se khafaa ho gayaa hai yaar
ye bhi koi bataao ki kis baat par huaa

aa gayaa dhyaan mein mazmun tiri yaktaai kaa
aaj matla huaa misraa miri tanhaai kaa

afsaana-e-majnun se nahin kam miraa qissa
is baat ko jaane do ki mashhur nahin hai

saahil par aa ke lagti hai Takkar safine ko
hijraan se vasl mein hai sivaa dil ki ehtiyaat

sambhaal vaaiz zabaan apni khudaa se Daraa ik zaraa hayaa kar
buton ki ghibat khudaa ke ghar mein khudaa khudaa kar khudaa khudaa kar

ye kis zohra-jabin ki anjuman mein aamad aamad hai
bichhaayaa hai qamar ne chaandni kaa farsh mahfil mein