Tahir Azeem

un baton par mat jaana jo 'aam huiin
dekho kitni sachcha.i hai ankhon men

jo tire intizar men guzre
bas vahi intizar ke din the

shahr ki is bhiiD men chal to raha huun
zehn men par gaanv ka naqsha rakha hai

ye jo maazi ki baat karte hain
sochte honge haal se aage

mujh ko bhi haq hai zindagani ka
main bhi kirdar huun kahani ka

soch apni zaat tak mahdud hai
zehn ki kya ye tabahi kuchh nahin

taasir nahin rahti alfaaz ki bandish mein
main sach jo nahin kahtaa lahje kaa asar jaataa

tum hamaare khuun ki qimat na puchho
is mein apne zarf kaa arsa rakhaa hai

shahr ki is bhiiD mein chal to rahaa huun
zehn mein par gaanv kaa naqsha rakhaa hai

un baaton par mat jaanaa jo 'aam huiin
dekho kitni sachchaai hai aankhon mein

jo tire intizaar mein guzre
bas vahi intizaar ke din the

barson pahle jis dariyaa mein utraa thaa
ab tak us ki gahraai hai aankhon mein