barson pahle jis dariyaa mein utraa thaa — Tahir Azeem

tum hamaare khuun ki qimat na puchho
is mein apne zarf kaa arsa rakhaa hai

shahr ki is bhiiD mein chal to rahaa huun
zehn mein par gaanv kaa naqsha rakhaa hai

un baaton par mat jaanaa jo 'aam huiin
dekho kitni sachchaai hai aankhon mein

jo tire intizaar mein guzre
bas vahi intizaar ke din the

ye jo maazi ki baat karte hain
sochte honge haal se aage

taasir nahin rahti alfaaz ki bandish mein
main sach jo nahin kahtaa lahje kaa asar jaataa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

agar fursat mile paani ki tahriron ko paDh lenaa
har ik dariyaa hazaaron saal kaa afsaana likhtaa hai

khudaa ki us ke gale mein ajiib qudrat hai
vo boltaa hai to ik raushni si hoti hai

farz hai dariyaa-dilon par khaaksaaron ki madad
farsh sahraa ke liye laazim huaa sailaab kaa

yuun dard ne ummid ke laD se mujhe baandhaa
dariyaaon ko jis tarah kinaaraa kare koi

mayassar se ziyaada chaahtaa hai
samundar jaise dariyaa chaahtaa hai