un baaton par mat jaanaa jo 'aam huiin — Tahir Azeem

taasir nahin rahti alfaaz ki bandish mein
main sach jo nahin kahtaa lahje kaa asar jaataa

tum hamaare khuun ki qimat na puchho
is mein apne zarf kaa arsa rakhaa hai

shahr ki is bhiiD mein chal to rahaa huun
zehn mein par gaanv kaa naqsha rakhaa hai

jo tire intizaar mein guzre
bas vahi intizaar ke din the

ye jo maazi ki baat karte hain
sochte honge haal se aage

barson pahle jis dariyaa mein utraa thaa
ab tak us ki gahraai hai aankhon mein

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

khuddaariyon pe ishq ki ilzaam aa gayaa
kyuun be-khudi mein lab pe tiraa naam aa gayaa

yuun palak par jagmagaanaa do ghaDi kaa aish hai
raushni ban kar mire andar hi andar phail jaa

is shahar kaa dastur hai rishton kaa bhulaanaa
tajdid-e-maraasim ke liye haath na baandhun