aankh kyon apni mal rahe ho tum — Ameer Hamza Aazmi

"qismat se jis kisi ko tiraa aastaan mile us kaa mizaaj farsh-e-zamin par kahaan mile har ek ko ye rutba-e-aali kahaan mile vo khush-nasib hai jise dard-e-nihaan mile sahbaa-e-ishq maarifat-e-haq mile mujhe phir kuchh yahaan mile na mujhe kuchh vahaan mile tufaan ki zad pe rakkhi hui shama ki tarah ham log be-amaan hain hamein bhi amaan mile maa'lum ye huaa ki tiri anjuman thi vo ahl-e-zabaan bhi ham ko jahaan be-zabaan mile naadaan hisaar-e-zaat se baahar nikal ke dekh gum-karda kaaenaat kaa shaayad nishaan mile 'hamza' bhaTak rahe hain bhalaa kis dayaar mein chaliye vahaan zamin se jahaan aasmaan mile"

"mohabbaton ki ye vaardaatein koi sunegaa to kyaa kahegaa ye bahki bahki tumhaari baatein koi sunegaa to kyaa kahegaa raqaabaton ki qayaamaton se khanDar mein tabdil ho rahi hain hamaari chaahat ki kaaenaatein koi sunegaa to kyaa kahegaa tumhaare khat se ye lag rahaa hai ki rote rote likhaa hai tum ne ye an-kahi si tumhaari baatein koi sunegaa to kyaa kahegaa hami hain mazlum ham hi zaalim hami hain maqtul ham hi qaatil hami hain mohre hami bisaatein koi sunegaa to kyaa kahegaa tire tasavvur kaa aanaa jaanaa mire takhayyul ki vaadiyon mein baghair dulhe ki ye baraatein koi sunegaa to kyaa kahegaa"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"junun mein qalb-o-jigar ke TukDon ke marhalon se guzar gayaa huun main ashk ban kar salib-e-mizhgaan pe reza-reza bikhar gayaa huun baDaa dilaavar baDaa sakhi huun ki dushmanon ki kamin-gah mein main aaj apne hi neze ki nok pe le ke apnaa hi sar gayaa huun mire aizzaa mujhe baTorein ki main bhi yak-musht mar ke dekhun ki vaqfe-vaqfe se thoDaa thoDaa bahut si qiston mein mar gayaa huun har ek manzar vaqaar-e-sher-o-adab ki saudaagari kaa manzar main khvaab mein huun ki jaagtaa huun main ji rahaa huun ki mar gayaa huun miraa shuur-o-shiaar-o-ashaar sab had-e-laa-shuur mein hain bisaat-e-naqd-o-nazar ke sar se misaal-e-sarsar guzar gayaa hon"

"khudaa-e-paak abhi itnaa mehrbaan to hai hamaare sar ye kiraae kaa saaebaan to hai aTak aTak ke sahi kuchh to bol letaa huun ki TuTi-phuTi si meri bhi ik zabaan to hai bachaa ke rakkhaa hai aslaaf ki amaanat ko hamaare ghar mein buzurgon kaa paan-daan to hai khudaa ke bande khudaai pe fakhr paidaa kar tiri zamin na sahi teraa aasmaan to hai kisi kaa jazba-e-ulfat kisi kaa josh-e-junun abhi javaan huaa thaa abhi javaan to hai samajh ke is ko huquq-ul-ibaad zinda huun miri gali mein paDosi kaa naab-daan to hai yahin pe baiTh parinde shikaar kar 'hamza' yahaan pe sher nahin sher kaa machaan to hai"

"izhaar-e-haqiqat ki jasaarat nahin hoti baaghi huun magar us se baghaavat nahin hoti ik marhala aisaa bhi to aataa hai junun mein khalvat mein bhi jab lazzat-e-khalvat nahin hoti ham maabad-e-irfaan ke pujaari hain azal se ham se shab-e-dijur ki bai'at nahin hoti kuchh bhi use kah lijiye insaan na kahiye vo jis ko khataaon pe nadaamat nahin hoti ye kaam mire bas mein nahin maslahatan bhi mujh se kabhi baatil ki vakaalat nahin hoti yuun qahr-e-khudaavand se Dartaa to bahut huun lekin kabhi taufiq-e-ibaadat nahin hoti aankhon se mire niind uchak le gayaa koi khvaabon mein bhi ab us ki ziyaarat nahin hoti"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"