dast-kash hon na mai-e-gul ke khush-aashaam abhi — Aiman Amritsari

"ilaahi mahshar mein bahr-e-pursish jab ek darbaar aam hogaa miri baghal mein suraahi hogi zabaan par teraa naam hogaa nasib tujh ko nahin ye neamat to zahmat-e-tur kar gavaaraa yahaan to hote hain roz jalve kalim tujh ko kalaam hogaa nigah rahe aasmaan pe teri hai taair-e-arsh-aashiyaan tu nazar mein jis ki zamin hogi vahi giraftaar-e-daam hogaa qubul kar markaz-e-haqiqat tiraa makaan laa-makaan hai ai dil majaaz ke daaere mein aakar fuzul paaband-e-naam hogaa harim-e-kaaba-o-dair donon hain qaabil-e-ehtiraam lekin nazaaa-e-baaham ke hon na markaz to phir dili-ehtiraam hogaa tu nashsha-e-zohd kaa hai taalib tujhe kahaan vajd-e-jaavedaani jo rind-e-mast-e-mudaam hogaa vo raazdaar-e-davaam hogaa shuur kahte hain jis ko aaqil vo roz mehvar badal rahaa hai jo aa gayaa jaada-e-junun mein sukun mein us kaa qiyaam hogaa na hongi hal mushkilaat 'aiman' fuzul sab koshishein hain teri khudaa se imdaad ki duaa kar baghair is ke na kaam hogaa"

"hijaab vaalon se vo be-hijaab ho na sakaa vo saamne thaa magar be-naqaab ho na sakaa vajud-e-khaak kaa insaan khitaab ho na sakaa ye zarra ghair-e-karam aaftaab ho na sakaa karam vo tuur pe ik be-niyaaz-e-jalva par vo be-niyaazi thi jis kaa javaab ho na sakaa uThaa ke parda chhupaa kasrat-e-tajalli mein vo be-naqaab huaa be-naqaab ho na sakaa tamaam umr rahe dekhte hayaat ke khvaab hamaari aankhon mein ye khvaab khvaab ho na sakaa rahi fareb-e-tasavvur ye raftani duniyaa saraab jaise kabhi ju-e-aab ho na sakaa zamir zaahir-o-baatin se ho gayaa aagaah kharaab baada-e-irfaan kharaab ho na sakaa mire karim ne bakhshaa isi bahaane se mire gunaahon kaa jab kuchh hisaab ho na sakaa abhi kami hai tire zauq-e-ishq mein 'aiman' lahu huaa tiraa aansu sharaab ho na sakaa"

"vo hasin jalva-ba-dosh hai koi parda hai na naqaab hai tiraa parda hai tiri pardagi ye hijaab teraa hijaab hai tiri chashm-e-mast ke daur mein koi jaam jaam-e-sharaab hai jo hai ahl-e-did vo mast hai jo hai ahl-e-dil vo kharaab hai jo taqaazaa thaa to vo tuur thaa jo talab thi to vo zuhur thaa na taqaazaa hai na talab hai ab na savaal hai na javaab hai ise saath le chalo rahbaro ki zaraa nai hai rah-e-adam ye savaar-e-umr-e-ravaan miraa sar-e-raah paa-ba-rikaab hai use khel samjhaa to bach rahaa na samajh sakaa to ulajh gayaa use aankh khol ke dekhnaa tiri zindagi kaa ye khvaab hai na hai khauf ahl-e-kitaab se na hiraas ahl-e-hisaab se vo karam hai mere karim kaa na hisaab hai na kitaab hai kisi ilm se na ise gharaz na kisi adab se hai vaasta tiraa dard jis kaa hisaab hai tiraa husn jis ki kitaab hai dil-e-pur-havas tujhe sair-e-hasti-e-be-sukun ki majaal kyaa ki misaal-e-mauj-e-ravaan hai ye tiri chashm chashm-e-habaab hai na ulajh numaaish-e-dahr ke kabhi daam-e-naqsh-o-nigaar mein jo nigaar hai vo parida hai jo hai naqsh naqsh-bar-aab hai vahi nuur jis se hain nuur nuur hazaaron nayyar-o-mehr-o-maah jo usi ke saae mein aa gayaa faqat us ko diid ki taab hai ba-khulus 'aiman'-e-be-navaa usi aastaan pe jabin jhukaa koi be-muraad nahin gayaa shah-e-do-jahaan ki janaab hai"

"jo na mujh se teri saaqi rah-e-iltifaat hoti to na kaaenaat-e-masti miri kaaenaat hoti tujhe rang-e-ishq miltaa to mujhe thaa ganj-e-raahat jise log maut kahte vo miri hayaat hoti vo khataa pe milti jannat jo amal ke naam likh di ye hai aur baat zaahid vo kuchh aur baat hoti rahe qaid aarzu mein thi yahaan ki yaa vahaan ki jo najaat us se milti to kahin najaat hoti tiri yaad jis mein hoti tiraa qurb jis mein miltaa usi din ko din samajhte vahi raat raat hoti yahi hai subut-e-duniyaa ki hai aaj kal nahin hai na ye be-subut hoti na ye be-sabaat hoti tu khataa par apni 'aiman' kabhi munfail to hotaa tujhe bakhsh deti rahmat jo ye ek baat hoti"

"soz-e-dil baDhne na paae aankh tak ai zabt-e-gham aag bhaDkaa degaa ye is khaana-e-khas-posh mein chupke chupke main piye jaataa huun ulfat mein sarishk hain balaa ki garmiyaan is aatish-e-khaamosh mein ranj-o-raahat ek se hain mujh ko misl-e-khaar-o-gul maadar-e-giti ne paalaa un ko ik aaghosh mein aaqibat-bar-pusht ye hai aaqibat-bardosh vo farq ye hai ek munim ek khirqa-posh mein sakhtiyon mein parvarish paate hain ahl-e-rang-o-bu gul palaa karte hain aksar khaar ki aaghosh mein ai karim 'aiman' ke isyaan aaj kar is ke sipurd teraa dariyaa-e-karam lahraa rahaa hai josh mein"

"na mujhe idhar ki talaash hai na mujhe udhar ki talaash hai ye talaash sab dil-e-be-khabar dil-e-be-khabar ki talaash hai hai azal se dil mein muqim tu tiri bhuul hai tiri justuju koi justuju hai ye justuju tujhe apne ghar ki talaash hai rahi darmiyaan jo dui to kyaa jo nazar na ek hui to kyaa na ho imtiyaaz nigaah mein mujhe us nazar ki talaash hai dar-e-dair hai jo kisi kaa dar dar-e-kaaba hai jo kisi kaa sar jo baham ho donon kaa aastaan mujhe aise dar ki talaash hai ye hai khud hijaab tiri khudi tiraa vahm hai tiri gumrahi tu khud aap apnaa hai rahnumaa tujhe raahbar ki talaash hai tu hai shaikh taalib-e-zaahidi miri dastgir hai be-pari miri be-pari mire baal-o-par tujhe baal-o-par ki talaash hai jo gulon ke husn mein hai ayaan dil-e-andalib mein hai nihaan jo hai kaar-gaah-e-jahaan ki jaan mujhe us sharar ki talaash hai jo khizaan mein khufta hain shorishein vahin hashr-o-nashr-e-bahaar hain ye vo raaz-e-fitrat-e-ghaib hai jise dida-var ki talaash hai yahi ek raaz hai hasti-e-gul-e-nau-damida kaa ai sahar ki payaam-e-ghuncha ko gul-kade mein payaambar ki talaash hai tujhe ham-nashin hai us aab-o-gil ke tilism mein gham-e-barhami mujhe us ke naqsh-o-nigaar mein kisi kuza-gar ki talaash hai rahe us ki rahmat-e-aam par hi nigaah-e-'aiman'-e-munfail yahi ek daaman-e-khaas hai jise ashk-e-tar ki talaash hai"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"

"gali gali hain bheDiye muhaafizon ke ruup mein kasaafaton kaa raaj hai nafaasaton ke ruup mein ham ahl-e-shauq zakhm chaaTte ravaan-davaan rahe saDak pe khaar the saje hue gulon ke ruup mein huzur vaqt mil sake to ek baar dekh lein ye saailon ke masale hain faailon ke ruup mein kahaa gayaa thaa manzil-e-muraad paaeinge magar hamein jo raahzan mile hain rahbaron ke ruup mein ab apne khuun par bhi e'timaad kuchh muhaal hai safediyaan chhipi hui hain surkhiyon ke ruup mein baDe qalam-farosh log the jinhon ne aakhirash hamein tabaah kar diyaa hai 'aalamon ke ruup mein abhi se kyon gumaan-e-tark-e-'aashiqi huaa tumhein abhi to naachtaa hai khuun dhaDkanon ke ruup mein"