Haqeer

TuTen vo sar jis men teri zulf ka sauda nahin
phuTen vo ankhen ki jin ko diid ka lapka nahin

janta us ko huun dava ki tarah
chahta us ko huun shifa ki tarah

mujhe ab maut behtar zindagi se
vo ki tum ne sitamgari ki tauba

ki kisi par na jafa mere ba.ad
khuub ro.e vo suna mere ba.ad

band-e-qaba pe haath hai sharma.e jaate hain
kamsin hain zikr-e-vasl se ghabra.e jaate hain

dekha baghaur aib se khali nahin koi
bazm-e-jahan men sab hain khuda ke sanvare log

jab se kuchh qaabu hai apnaa kaakul-e-khamdaar par
saanp har dam loTtaa hai sina-e-aghyaar par

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

khuub mil kar gale se ro lenaa
is se dil ki safaai hoti hai

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

jaantaa us ko huun davaa ki tarah
chaahtaa us ko huun shifaa ki tarah

band-e-qabaa pe haath hai sharmaae jaate hain
kamsin hain zikr-e-vasl se ghabraae jaate hain