SHAWORDS

ishq hi tanhaa nahin shorida-sar mere liye — Jigar Moradabadi

Home›Jigar Moradabadi›Ghazal
"ishq hi tanhaa nahin shorida-sar mere liye husn bhi betaab hai aur kis qadar mere liye haan mubaarak ab hai mearaaj-e-nazar mere liye jis qadar vo dur-tar nazdik-tar mere liye khel hai baazicha-e-shaam-o-sahar mere liye do gul-e-baazi hain ye shams o qamar mere liye vaqf hai sayyaad ki ik ik nazar mere liye haan mubaarak ye shikast-e-baal-o-par mere liye garm hai hangaama-e-shaam-o-sahar mere liye raat din gardish mein hain shams o qamar mere liye main huun vahshi aah kis sahraa-e-aafat-khez kaa hai gul-e-viraana bhi begaana-tar mere liye us maqaam-e-ishq mein huun marhabaa ai be-khudi zarra zarra hai jahaan garm-e-safar mere liye jazb ho kar rah gayaa huun main jamaal-e-dost mein ishq hai taabinda-tar paainda-tar mere liye main nahin kahtaa ki main huun tu ho teri khalvatein haan magar sab se judaa khaas ik nazar mere liye allaah allaah main bhi kyaa naazuk-dimaagh-e-ishq huun nikhat-e-gul bhi hai vajh-e-dard-e-sar mere liye phir bhi aankhein DhunDhti hain ik saraapaa naaz ko main ne maanaa kuchh nahin hadd-e-nazar mere liye rahrav-e-raah-e-talab ko khizr ki haajat nahin zarra zarra hai charaagh-e-rah-guzar mere liye apne dil mein juz tire main bhi samaa saktaa nahin meraa har har saans hai zanjir-e-dar mere liye mujh ko jannat hi jo duniyaa hai to yaa-rab bakhsh de bas yahi daamaan-e-tar chashmaan-e-tar mere liye tark-e-mai se aur bhi main to sharaabi ban gayaa roz aa jaataa hai minaa-e-sahar mere liye jis ne zaahid se bhi kaafir ke uDaa Daale hain hosh us se bhi kuchh aur saaqi tez-tar mere liye vo miraa saaghar-ba-kaf honaa pashemaani ke saath abr-e-rahmat kaa vo uThnaa jhuum kar mere liye kal shab-e-maahtaab mein ik bulbul-e-aafat-navaa markaz-e-gham ban rahaa thaa raat bhar mere liye naa-gahaan lab-haa-e-barg-e-gul se ye aai nidaa naale kartaa hai abas ai be-khabar mere liye main bhi huun apni jagah khunin-jigar khunin-kafan tu na apni jaan kho ai musht-e-par mere liye bas ye sunnaa thaa ki paa-e-gul pe gir kar mar miTaa ban gayaa ik naqsh-e-ibrat umr bhar mere liye zindagi ik tohmat-e-bejaa hai meri zaat par maut ik ilzaam-e-naa-jaaez 'jigar' mere liye main to har haalat mein khush huun lekin us kaa kyaa ilaaj DabDabaa aati hain vo aankhein 'jigar' mere liye"
Urdu

عشق ہی تنہا نہیں شوریدہ سر میرے لئے حسن بھی بیتاب ہے اور کس قدر میرے لئے ہاں مبارک اب ہے معراج نظر میرے لئے جس قدر وہ دور تر نزدیک تر میرے لئے کھیل ہے بازیچۂ شام و سحر میرے لئے دو گل بازی ہیں یہ شمس و قمر میرے لئے وقف ہے صیاد کی اک اک نظر میرے لئے ہاں مبارک یہ شکست بال و پر میرے لئے گرم ہے ہنگامۂ شام و سحر میرے لئے رات دن گردش میں ہیں شمس و قمر میرے لئے میں ہوں وحشی آہ کس صحرائے آفت خیز کا ہے گل ویرانہ بھی بیگانہ تر میرے لئے اس مقام عشق میں ہوں مرحبا اے بے خودی ذرہ ذرہ ہے جہاں گرم سفر میرے لئے جذب ہو کر رہ گیا ہوں میں جمال دوست میں عشق ہے تابندہ تر پائندہ تر میرے لئے میں نہیں کہتا کہ میں ہوں تو ہو تیری خلوتیں ہاں مگر سب سے جدا خاص اک نظر میرے لئے اللہ اللہ میں بھی کیا نازک دماغ عشق ہوں نکہت گل بھی ہے وجہ درد سر میرے لئے پھر بھی آنکھیں ڈھونڈھتی ہیں اک سراپا ناز کو میں نے مانا کچھ نہیں حد نظر میرے لئے رہرو راہ طلب کو خضر کی حاجت نہیں ذرہ ذرہ ہے چراغ رہگزر میرے لئے اپنے دل میں جز ترے میں بھی سما سکتا نہیں میرا ہر ہر سانس ہے زنجیر در میرے لئے مجھ کو جنت ہی جو دنیا ہے تو یارب بخش دے بس یہی دامان تر چشمان تر میرے لئے ترک مے سے اور بھی میں تو شرابی بن گیا روز آ جاتا ہے مینائے سحر میرے لئے جس نے زاہد سے بھی کافر کے اڑا ڈالے ہیں ہوش اس سے بھی کچھ اور ساقی تیز تر میرے لئے وہ مرا ساغر بکف ہونا پشیمانی کے ساتھ ابر رحمت کا وہ اٹھنا جھوم کر میرے لئے کل شب ماہتاب میں اک بلبل آفت نوا مرکز غم بن رہا تھا رات بھر میرے لئے ناگہاں لب ہائے برگ گل سے یہ آئی ندا نالے کرتا ہے عبث اے بے خبر میرے لئے میں بھی ہوں اپنی جگہ خونیں جگر خونیں کفن تو نہ اپنی جان کھو اے مشت پر میرے لئے بس یہ سننا تھا کہ پائے گل پہ گر کر مر مٹا بن گیا اک نقش عبرت عمر بھر میرے لئے زندگی اک تہمت بے جا ہے میری ذات پر موت اک الزام ناجائز جگرؔ میرے لئے میں تو ہر حالت میں خوش ہوں لیکن اس کا کیا علاج ڈبڈبا آتی ہیں وہ آنکھیں جگرؔ میرے لئے

Hindi

इश्क़ ही तन्हा नहीं शोरीदा-सर मेरे लिए हुस्न भी बेताब है और किस क़दर मेरे लिए हाँ मुबारक अब है मेराज-ए-नज़र मेरे लिए जिस क़दर वो दूर-तर नज़दीक-तर मेरे लिए खेल है बाज़ीचा-ए-शाम-ओ-सहर मेरे लिए दो गुल-ए-बाज़ी हैं ये शम्स ओ क़मर मेरे लिए वक़्फ़ है सय्याद की इक इक नज़र मेरे लिए हाँ मुबारक ये शिकस्त-ए-बाल-ओ-पर मेरे लिए गर्म है हंगामा-ए-शाम-ओ-सहर मेरे लिए रात दिन गर्दिश में हैं शम्स ओ क़मर मेरे लिए मैं हूँ वहशी आह किस सहरा-ए-आफ़त-ख़ेज़ का है गुल-ए-वीराना भी बेगाना-तर मेरे लिए उस मक़ाम-ए-इश्क़ में हूँ मर्हबा ऐ बे-ख़ुदी ज़र्रा ज़र्रा है जहाँ गर्म-ए-सफ़र मेरे लिए जज़्ब हो कर रह गया हूँ मैं जमाल-ए-दोस्त में इश्क़ है ताबिंदा-तर पाइंदा-तर मेरे लिए मैं नहीं कहता कि मैं हूँ तू हो तेरी ख़ल्वतें हाँ मगर सब से जुदा ख़ास इक नज़र मेरे लिए अल्लाह अल्लाह मैं भी क्या नाज़ुक-दिमाग़-ए-इश्क़ हूँ निकहत-ए-गुल भी है वज्ह-ए-दर्द-ए-सर मेरे लिए फिर भी आँखें ढूँढती हैं इक सरापा नाज़ को मैं ने माना कुछ नहीं हद्द-ए-नज़र मेरे लिए रहरव-ए-राह-ए-तलब को ख़िज़्र की हाजत नहीं ज़र्रा ज़र्रा है चराग़-ए-रह-गुज़र मेरे लिए अपने दिल में जुज़ तिरे मैं भी समा सकता नहीं मेरा हर हर साँस है ज़ंजीर-ए-दर मेरे लिए मुझ को जन्नत ही जो दुनिया है तो या-रब बख़्श दे बस यही दामान-ए-तर चश्मान-ए-तर मेरे लिए तर्क-ए-मय से और भी मैं तो शराबी बन गया रोज़ आ जाता है मीना-ए-सहर मेरे लिए जिस ने ज़ाहिद से भी काफ़िर के उड़ा डाले हैं होश उस से भी कुछ और साक़ी तेज़-तर मेरे लिए वो मिरा साग़र-ब-कफ़ होना पशेमानी के साथ अब्र-ए-रहमत का वो उठना झूम कर मेरे लिए कल शब-ए-माहताब में इक बुलबुल-ए-आफ़त-नवा मरकज़-ए-ग़म बन रहा था रात भर मेरे लिए ना-गहाँ लब-हा-ए-बर्ग-ए-गुल से ये आई निदा नाले करता है अबस ऐ बे-ख़बर मेरे लिए मैं भी हूँ अपनी जगह ख़ूनीं-जिगर ख़ूनीं-कफ़न तू न अपनी जान खो ऐ मुश्त-ए-पर मेरे लिए बस ये सुनना था कि पा-ए-गुल पे गिर कर मर मिटा बन गया इक नक़्श-ए-इबरत उम्र भर मेरे लिए ज़िंदगी इक तोहमत-ए-बेजा है मेरी ज़ात पर मौत इक इल्ज़ाम-ए-ना-जाएज़ 'जिगर' मेरे लिए मैं तो हर हालत में ख़ुश हूँ लेकिन उस का क्या इलाज डबडबा आती हैं वो आँखें 'जिगर' मेरे लिए

Jigar MoradabadiJigar MoradabadiRaatMaaShamIshq
ishq hī tanhā nahīñ shorīda-sar mere liye
Jigar Moradabadi
Jigar Moradabadi
Jigar Moradabadi
poet256 quotes

More by Jigar Moradabadi

View all →
Quote
"vo adaa-e-dilbari ho ki navaa-e-aashiqaana jo dilon ko fath kar le vahi faateh-e-zamaana kabhi husn ki tabiat na badal sakaa zamaana vahi naaz-e-be-niyaazi vahi shaan-e-khusravaana ye tiraa jamaal-e-kaamil ye shabaab kaa zamaana dil-e-dushmanaan salaamat dil-e-dostaan nishaana ye falak ye maah-o-anjum ye zamin ye zamaana tire husn ki hikaayat mire ishq kaa fasaana ye hai ishq ki karaamat ye kamaal-e-shaairaana abhi munh se baat nikli abhi ho gai fasaana ye miraa payaam kahnaa tu sabaa muaddabaana ki guzar gayaa hai pyaare tujhe dekhe ik zamaana mujhe chaak-e-jeb-o-daaman se nahin munaasibat kuchh ye junun hi ko mubaarak rah-o-rasm-e-aamiyaana tujhe haadsaat-e-paiham se bhi kyaa milegaa naadaan tiraa dil agar ho zinda to nafas bhi taaziyaana main huun us maqaam par ab ki firaaq o vasl kaise miraa ishq bhi kahaani tiraa husn bhi fasaana miri zindagi to guzri tire hijr ke sahaare miri maut ko bhi pyaare koi chaahiye bahaana tire ishq ki karaamat ye agar nahin to kyaa hai kabhi be-adab na guzraa mire paas se zamaana tiri duuri o huzuri kaa ye hai ajiib aalam abhi zindagi haqiqat abhi zindagi fasaana mire ham-safir bulbul miraa teraa saath hi kyaa main zamir-e-dasht-o-dariyaa tu asir-e-aashiyaana main vo saaf hi na kah duun jo hai farq mujh mein tujh mein tiraa dard dard-e-tanhaa miraa gham gham-e-zamaana tire dil ke TuTne par hai kisi ko naaz kyaa kyaa tujhe ai 'jigar' mubaarak ye shikast-e-faatehaana"
Jigar MoradabadiJigar Moradabadi
ZindagiDil
Quote
"raaz jo sina-e-fitrat mein nihaan hotaa hai sab se pahle dil-e-shaair pe ayaan hotaa hai sakht khun-rez jab aashob-e-jahaan hotaa hai nahin maalum ye insaan kahaan hotaa hai jab koi haadsa-e-kaun-o-makaan hotaa hai zarra zarra meri jaanib nigaraan hotaa hai jo nazar-karda-e-saahab-nazraan hotaa hai usi divaane ke qadmon pe jahaan hotaa hai jab koi ishq mein barbaad-e-jahaan hotaa hai mujh ko mahsus khud apnaa hi ziyaan hotaa hai mutazalzal hai adab-gaah-e-mohabbat ki zamin koi dekhe to ye hangaama kahaan hotaa hai kahin aisaa to nahin vo bhi ho koi aazaar tujh ko jis chiiz pe raahat kaa gumaan hotaa hai dil ghani ho to har ik ranj bhi dil ki raahat zehn muflis ho to har suud ziyaan hotaa hai imtihaan-gaah-e-mohabbat mein na rakkhe vo qadam maut ke naam se jis ko khafaqaan hotaa hai yahi vo manzil-e-dushvaar hai jis manzil mein khatm har marhala-e-sud-o-ziyaan hotaa hai har qadam maarka-e-karb-o-balaa hai darpesh har nafas saaneha-e-marg-e-javaan hotaa hai naaz jis khaak-e-vatan par thaa mujhe aah 'jigar' usi jannat pe jahannam kaa gumaan hotaa hai"
Jigar MoradabadiJigar Moradabadi
MaaIshq
Quote
"husn-e-kaafir-shabaab kaa aalam sar se paa tak sharaab kaa aalam araq-aalud chehra-e-taabaan shabnam-o-aaftaab kaa aalam vo miri arz-e-shauq-e-behad par kuchh hayaa kuchh itaab kaa aalam allaah allaah vo imtizaaj-e-latif shokhiyon mein hijaab kaa aalam hama nur-o-surur ki duniyaa hama husn-o-shabaab kaa aalam vo lab-e-juebaar o mausam-e-gul vo shab-e-maahtaab kaa aalam zaanu-e-shauq par vo pichhle pahar nargis-e-nim-khvaab kaa aalam der tak ikhtilaat-e-raaz-o-niyaaz yak-ba-yak ijtinaab kaa aalam laakh rangin-bayaaniyon pe miri ek saada javaab kaa aalam gham ki har mauj mauj-e-tufaan-khez dil kaa aalam habaab kaa aalam dil-e-mutrib samajh sake shaayad ik shikasta rubaab kaa aalam vo samaan aaj bhi hai yaad 'jigar' haan magar jaise khvaab kaa aalam"
Jigar MoradabadiJigar Moradabadi
YaadDil
Quote
"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"
Jigar MoradabadiJigar Moradabadi
ZindagiMaa

More on Raat

View all →
Quote
"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"
M
Muztar Muzaffarpuri
DilRaat
Quote
"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"
Anees QalbAnees Qalb
ZindagiRaat
Quote
"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"
Bushra MasuudBushra Masuud
DilRaat