Jigar Moradabadi

"hamen ma.alum hai ham se suno mahshar men kya hoga sab us ko dekhte honge vo ham ko dekhta hoga"

"dil gaya raunaq-e-hayat ga.i gham gaya saari ka.enat ga.i"

"jab mili aankh hosh kho baiThe kitne hazir-javab hain ham log"

"kucha-e-ishq men nikal aaya jis ko khana-kharab hona tha"

"jise sayyad ne kuchh gul ne kuchh bulbul ne kuchh samjha chaman men kitni mani-khez thi ik khamushi miri"

"pahle sharab ziist thi ab ziist hai sharab koi pila raha hai piye ja raha huun main"

ik lafz-e-mohabbat kaa adnaa ye fasaanaa hai
simTe to dil-e-aashiq phaile to zamaana hai

aatish-e-ishq vo jahannam hai
jis mein firdaus ke nazaare hain

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

un kaa jo farz hai vo ahl-e-siyaasat jaanein
meraa paighaam mohabbat hai jahaan tak pahunche