justuju ke safar mein rahte hain — Obaidur Rahman

"to ab haalat mein apni yuun bhi tabdili nahin hoti ye miTTi khuun bhi pi kar kabhi giili nahin hoti huaa jaataa hai qudrat ke usulon mein dakhil insaan havaa ab to december mein bhi barfili nahin hoti chalo aankhon se ab ke baat kar ke dekhte hain ham zabaan se baat to hoti hai tafsili nahin hoti vo jo mahsus karti hai bayaan karti hai ab khul kar ghazal pahle zamaane jaisi sharmili nahin hoti hamein hai shauq aisaa Thokaron ko aazmaane kaa ki us rah par nahin chalte jo pathrili nahin hoti sambhal kar ai 'obaid'-e-khush-gumaan rahnaa Thahar kar yaan bilaa maqsad miyaan rassi kabhi Dhili nahin hoti"

"ghar ke andar bholi-bhaali suratein achchhi lagin muskuraati gul khilaati raunaqein achchhi lagin jab sisakti reingti si zindagi dekhi kahin phir khudaa ki di hui sab nematein achchhi lagin ek dil se dusre dil tak safar karte rahe rahguzaar-e-shauq mein ye hijratein achchhi lagin dhuup ke lambe safar se lauT ke aae jo ghar band kamre mein sukun ki saaatein achchhi lagin dil ki duniyaa hasraton ke dam se hi aabaad hai gaahe gaahe ham ko apni hasratein achchhi lagin jin gharon mein azmat-e-rafta ke raushan the charaagh un ke baam-o-dar hamein un ki chhatein achchhi lagin aib apne chehre kaa kis ko nazar aayaa 'obaid' aaine mein sab ko apni suratein achchhi lagin"

"shuur tak abhi un ki kahaan rasaai hai abhi to kitne khudaaon ki vaan khudaai hai gumaan-e-tirgi rakhshandagi pe hone lagaa dayaar-e-shab ne ajab daastaan sunaai hai ab is pe duur nikal aae to khafaa kyuun ho ye raah bhi to tumhi ne hamein dikhaai hai kabhi jo mujh se mile vo rahe khamosh magar pas-e-sukut-e-zabaan khuub ham-navaai hai har ek fikr ki tah mein ho jazba-e-khaalis bahut hi sakht taqaazaa-e-paarsaai hai bahut hi khuub ki dariyaa ke paas rahte ho kaho ki pyaas bhi apni kabhi bujhaai hai jo khud hi jaada-o-manzil se naa-balad hai 'obaid' ajiib baat yahaan us ki rahnumaai hai"

"apnaa muhaasba kabhi karne nahin diyaa khud-biniyon ne ham ko sanvarne nahin diyaa haalaat ne agarche sujhaai gadaagari meri anaa ne mujh ko bikharne nahin diyaa tufaan se khelne kaa rahaa shauq umr bhar saahil pe jis ne mujh ko utarne nahin diyaa almaariyon mein qaid rahaa apnaa saaraa ilm qalb-o-nazar ko ham ne nikharne nahin diyaa duniyaa se kab kaa uTh gayaa hotaa main ai sanam lekin tire khayaal ne marne nahin diyaa manzil to mere saamne aati rahi 'obaid' josh-e-junun ne mujh ko Thaharne nahin diyaa"

"hamein to gosha-nashin aur jahaan bhi honaa hai yahaan bhi honaa hai ham ko vahaan bhi honaa hai nishaan bhi hai lagaanaa nishaan bhi honaa hai makaan mein rahte hue laa-makaan bhi honaa hai is ehtiyaat se karnaa hai zindagi apni akelaa chalnaa hai aur kaarvaan bhi honaa hai zamin mein rakhte hain paivast apni duniyaa ko zamin pe rahte hue aasmaan bhi honaa hai ik aisi qaid bhi ab khud pe yuun lagaani hai zabaan rakhte hue be-zabaan bhi honaa hai"

"gumrahi kaa miri saamaan huaa jaataa hai raasta ziist kaa aasaan huaa jaataa hai ik taraf ruuh ki parvaaz ko jaise tayyaar ik taraf jism ki be-jaan huaa jaataa hai dasht-e-ghurbat hai ki aabaad hamaare dam se ghar kaa aangan hai ki viraan huaa jaataa hai kyuun na phir dhuup bhi ban jaae ghaTaa jab ham par aap kaa saaya-e-mizhgaan huaa jaataa hai kah diyaa aap ne kyaa kaan mein chupke se ise dil mein barpaa mire haijaan huaa jaataa hai aap ki meri hi ghazlon ki hain katran saari jin se vo saahab-e-divaan huaa jaataa hai di hai chupke se 'obaid' us ne labon par dastak shor barpaa tah-e-shiryaan huaa jaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"