kyuun falak-aashnaa kiyaa thaa mujhe — Nusrat Gwaliari

"jhiil ke paar dhanak-rang samaan hai kaisaa jhilmilaataa huaa vo aks vahaan hai kaisaa jalte bujhte hue faanus hain manzar manzar naqsh-dar-naqsh vo miT kar bhi ayaan hai kaisaa kitne alfaaz-o-maaani ke varaq khulte hain mere andar ye kitaabon kaa jahaan hai kaisaa mujh mein ab meri jagah aur koi hai shaayad kuchh samajh mein nahin aataa ye gumaan hai kaisaa shahr se lauT ke ghar qarz chukaanaa hai mujhe kaise likkhun ki miraa haal yahaan hai kaisaa kis ne Daali hai fazaaon pe ye maili chaadar shab ke maathe pe lahu-rang nishaan hai kaisaa muTThiyaan bhej ke ham log rahe hain kab se duur tak aag kaa jangal hai samaan hai kaisaa mere ajdaad ke to khvaab yahaan dafn nahin ye haveli ye pur-asraar dhuaan hai kaisaa qabrein bhi us mein nahin taaj-mahal ki surat koi aabaad nahin hai ye makaan hai kaisaa"

"naqsh-e-paa us ke raasta us kaa muD ke dekhaa to kuchh na thaa us kaa mubtalaa kar gayaa azaabon mein ek kamzor faisla us kaa ikhtiyaaraat kam na the mere main ne chaahaa nahin buraa us kaa kaam to aur hi kisi kaa thaa naam bad-naam ho gayaa us kaa log jis zahr se halaak hue kitnaa miThaa thaa zaaiqa us kaa jo miri haar par bahut khush thaa ab hai khud se muqaabla us kaa raah ki zulmaton se manzil tak ik ujaalaa hai hausla us kaa kaun jaane vo kyuun bhaTaktaa rahaa us ko to yaad thaa pataa us kaa us ke qaatil baDi aqidat se pujte hain mujassama us kaa toD kar mujh se rishta-e-ummid kitnaa nuqsaan ho gayaa us kaa ghalati ho gai samajhne mein chaahtaa thaa main faaeda us kaa"

"mire ghubaar-e-safar kaa maaal raushan hai shafaq shafaq abhi naqsh-e-zavaal raushan hai sadaa-e-gumbad-e-taabir sun rahaa huun main fazaa-e-khvaab mein kirnon kaa jaal raushan hai vo ek fikriya lamha usi tarah hai abhi tire javaab se meraa savaal raushan hai parind kyuun na uDaain hansi andheron ki mire shajar ki abhi Daal Daal raushan hai surur teri rifaaqat kaa kam nahin hotaa tasavvuraat mein rang-e-visaal raushan hai na koi baat hai kahne ki aur na sunne ki tumhaaraa mujh pe miraa tum pe haal raushan hai savaal raah badalne kaa hai to tum badlo miri dalil hai vaazeh misaal raushan hai jise main vaqt ke sahraa mein pheink aayaa huun usi chaTaan pe sadiyon kaa haal raushan hai diye jalaataa huaa baDh rahaa hai dast-e-havaa fazaa muhib hai lekin khayaal raushan hai shikaari apni jagah mutmain hain chup saadhe parinde dekh rahe hain ki jaal raushan hai kisi andhere ko khaatir mein tum nahin laanaa miraa charaagh ba-hadd-e-kamaal raushan hai ye ehtiyaat-e-safar kaa maqaam hai 'nusrat' yahaan se vahshat-e-paa-e-ghazaal raushan hai"

"palak palak sail-e-gham 'ayaan hai na koi aahaT na koi halchal kasak ye kaisi darun-e-jaan hai na koi aahaT na koi halchal hamaari basti mein har taraf inqalaab-e-nau kaa 'amal thaa jaari na jaane ye kaun saa jahaan hai na koi aahaT na koi halchal lahu uchhalne kaa shor jaise fazaa mein gunjaa kabhi nahin thaa ye hukm-e-shahr-e-sitamgaraan hai na koi aahaT na koi halchal ho subh-e-raushan ki shaam-e-rangin kisi mein koi kashish nahin hai har ek khvaahish dhuaan dhuaan hai na koi aahaT na koi halchal nae zamaane ki main bashaarat kaa muntazir huun magar abhi tak hayaat aise ravaan-davaan hai na koi aahaT na koi halchal hujum-e-saut-o-sadaa saDak par julus ban kar nikal paDaa hai samaa'aton kaa ye imtihaan hai na koi aahaT na koi halchal main apne andar jahaan chhupaa huun koi na pahunchaa vahaan abhi tak sukut har samt be-karaan hai na koi aahaT na koi halchal fazaa ki raunaq zamin ki saj dhaj qalam ki jumbish pe munhasir hai 'ajib paabandi-e-zabaan hai na koi aahaT na koi halchal mire tasavvur ki nilgun jhiil mein ek taaraa jahaan giraa thaa vahaan khamoshi balaa-e-jaan hai na koi aahaT na koi halchal baDhun to aage dhuein ke baadal haTun to pichhe balaaon ke dil ye kaisaa manzar yahaan vahaan hai na koi aahaT na koi halchal sukut siine mein aisaa kab thaa gumaan bhi guzre na dhaDkanon kaa khudaa hi jaane ki dil kahaan hai na koi aahaT na koi halchal"

"kuchh aise phuul naagahaan havaa uDaa ke le gai lagaa ki saaraa gulsitaan havaa uDaa ke le gai musaafiron ke hausle buland the bahut magar tamaam miil ke nishaan havaa uDaa ke le gai bandhi hui thiin rassiyon se saahilon pe kashtiyaan unhein bhanvar ke darmiyaan havaa uDaa ke le gai vo pattaa apni shaakh se zaraa judaa huaa hi thaa na jaane phir kahaan kahaan havaa uDaa ke le gai ye maanaa 'nusrat' us gali mein aap khud gae nahin to kyaa nasib-e-dushmanaan havaa uDaa ke le gai"

"lahu uchhaalte lamhon kaa silsila niklaa mujhe pahunchnaa kahaan thaa kahaan main aa niklaa jahaan safed gulaabon kaa khvaab thaa raushan vahaan siyaah pahaaDon kaa silsila niklaa bahaav tez thaa dariyaa kaa chand lamhon mein miri nigaah ki had se vo duur jaa niklaa tilism TuuTaa jab us ke hasin lahje kaa miri umiid ke bar-aks faisla niklaa na jaane kab se main us ke qarib thaa lekin baghaur dekhaa to sadiyon kaa faasla niklaa jo lamha lamha judaa kar rahaa thaa khud se mujhe mire vajud ke andar hi vo chhupaa niklaa samajh rahe the jise ham baraat kaa manzar qarib jaa ke jo dekhaa to haadsa niklaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"