ishq ke fan niin huun main audhōt — Abdul Wahab Yakro

kamaan abru nipaT shah-zor haigaa
ki shaakh-e-aashnaai toD Daali

— Abdul Wahab Yakro

raam maashuq agar hove aashiq
toD de sar raqib raavan kaa

— Abdul Wahab Yakro

jabhi tu paan khaa kar muskuraayaa
tabhi dil khil gayaa gul ki kali kaa

— Abdul Wahab Yakro

pyaasaa mat jalaa saaqi mujhe garmi siin hijraan ki
shitaabi laa sharaab-e-khaam ham ne dil ko bhunaa hai

— Abdul Wahab Yakro

jane dekhaa so hi bauraa huaa hai
tire til hain magar kaalaa dhaturaa

— Abdul Wahab Yakro

kham-e-mehraab-e-abruvaan ke biich
kaam aankhon kaa hai imaamat kaa

— Abdul Wahab Yakro

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti