jabhi tu paan khaa kar muskuraayaa — Abdul Wahab Yakro

kamaan abru nipaT shah-zor haigaa
ki shaakh-e-aashnaai toD Daali

ishq ke fan niin huun main audhōt
tire dar pe biThaa huun mal ke bhabhut

raam maashuq agar hove aashiq
toD de sar raqib raavan kaa

pyaasaa mat jalaa saaqi mujhe garmi siin hijraan ki
shitaabi laa sharaab-e-khaam ham ne dil ko bhunaa hai

jane dekhaa so hi bauraa huaa hai
tire til hain magar kaalaa dhaturaa

kham-e-mehraab-e-abruvaan ke biich
kaam aankhon kaa hai imaamat kaa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein