kham-e-mehraab-e-abruvaan ke biich — Abdul Wahab Yakro

kamaan abru nipaT shah-zor haigaa
ki shaakh-e-aashnaai toD Daali

ishq ke fan niin huun main audhōt
tire dar pe biThaa huun mal ke bhabhut

raam maashuq agar hove aashiq
toD de sar raqib raavan kaa

jabhi tu paan khaa kar muskuraayaa
tabhi dil khil gayaa gul ki kali kaa

pyaasaa mat jalaa saaqi mujhe garmi siin hijraan ki
shitaabi laa sharaab-e-khaam ham ne dil ko bhunaa hai

jane dekhaa so hi bauraa huaa hai
tire til hain magar kaalaa dhaturaa

pyaaso raho na dasht mein baarish ke muntazir
maaro zamin pe paanv ki paani nikal paDe

aae kuchh abr kuchh sharaab aae
is ke baa'd aae jo azaab aae

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

vaaqia ye hai ki rasta aur viraan ho gayaa
peD to apni taraf se phuul barsaate rahe

abru na sanvaaraa karo kaT jaaegi ungli
naadaan ho talvaar se khelaa nahin karte

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa