savaal aa gae aankhon se chhin ke honTon par — Abhinandan Pandey

nasl-e-aadam rafta rafta khud ko kar legi tabaah
itni sakhti se qayaamat pesh aaegi na puchh

darmiyaan jo jism kaa parda hai kaise hogaa chaak
maut kis tarkib se ham ko milaaegi na puchh

khud-kushi kaa faisla ye soch kar ham ne kiyaa
kaun kartaa zindagi kaa maut se achchhaa ilaaj

ghaur se dekhte rahne ki sazaa paai hai
teri tasvir in aankhon mein utar aai hai

jab yahaan rahne ke sab asbaab yakjaa kar liye
tab khulaa mujh par ki main duniyaa kaa baashinda na thaa

chaahein to is ko tegh-e-khamoshi se kaaT dein
lekin junun se jang zabaani kareinge ham