darmiyaan jo jism kaa parda hai kaise hogaa chaak — Abhinandan Pandey

nasl-e-aadam rafta rafta khud ko kar legi tabaah
itni sakhti se qayaamat pesh aaegi na puchh

khud-kushi kaa faisla ye soch kar ham ne kiyaa
kaun kartaa zindagi kaa maut se achchhaa ilaaj

ghaur se dekhte rahne ki sazaa paai hai
teri tasvir in aankhon mein utar aai hai

savaal aa gae aankhon se chhin ke honTon par
hamein javaab na dene kaa faaeda to milaa

jab yahaan rahne ke sab asbaab yakjaa kar liye
tab khulaa mujh par ki main duniyaa kaa baashinda na thaa

chaahein to is ko tegh-e-khamoshi se kaaT dein
lekin junun se jang zabaani kareinge ham

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

kisi ke ek ishaare mein kis ko kyaa na milaa
bashar ko ziist mili maut ko bahaana milaa

udaas aankhon se aansu nahin nikalte hain
ye motiyon ki tarah sipiyon mein palte hain

main ne phulon ki aarzu ki thi
aankh mein motiyaa utar aayaa!!

churaa ke laae hain kuchh log lafz ke moti
inhein vo bech rahe hain dukaan dukaan ho kar