vo ek din jo tujhe sochne mein guzraa thaa — Abhishek Shukla

kabhi kabhi to ye vahshat bhi ham pe guzri hai
ki dil ke saath hi dekhaa hai Dubnaa shab kaa

— Abhishek Shukla

us se kahnaa ki dhuaan dekhne laaiq hogaa
aag pahne hue main jaaungaa paani ki taraf

— Abhishek Shukla

chalte hue mujh mein kahin Thahraa huaa tu hai
rasta nahin manzil nahin achchhaa huaa tu hai

— Abhishek Shukla

jaane kyaa kuchh ho chhupaa tum mein mohabbat ke sivaa
ham tasalli ke liye phir se khagaaleinge tumhein

— Abhishek Shukla

main sochtaa huun bahut zindagi ke baare mein
ye zindagi bhi mujhe soch kar na rah jaae

— Abhishek Shukla

safar ke baad bhi zauq-e-safar na rah jaae
khayaal o khvaab mein ab ke bhi ghar na rah jaae

— Abhishek Shukla

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri