tu kahin baiTh aur hukm chalaa — Abrar Ahmad

yaad bhi teri miT gai dil se
aur kyaa rah gayaa hai hone ko

kahin koi charaagh jaltaa hai
kuchh na kuchh raushni rahegi abhi

bhar laae hain ham aankh mein rakhne ko muqaabil
ik khvaab-e-tamannaa tiri ghaflat ke baraabar

qisse se tire meri kahaani se ziyaada
paani mein hai kyaa aur bhi paani se ziyaada

jis kaam mein ham ne haath Daalaa
vo kaam muhaal ho gayaa hai

har rukh hai kahin apne khad-o-khaal se baahar
har lafz hai kuchh apne maaani se ziyaada