bhar laae hain ham aankh mein rakhne ko muqaabil — Abrar Ahmad

yaad bhi teri miT gai dil se
aur kyaa rah gayaa hai hone ko

tu kahin baiTh aur hukm chalaa
ham jo hain teraa bojh Dhone ko

kahin koi charaagh jaltaa hai
kuchh na kuchh raushni rahegi abhi

qisse se tire meri kahaani se ziyaada
paani mein hai kyaa aur bhi paani se ziyaada

jis kaam mein ham ne haath Daalaa
vo kaam muhaal ho gayaa hai

har rukh hai kahin apne khad-o-khaal se baahar
har lafz hai kuchh apne maaani se ziyaada

pyaaso raho na dasht mein baarish ke muntazir
maaro zamin pe paanv ki paani nikal paDe

aasmaan aisaa bhi kyaa khatra thaa dil ki aag se
itni baarish ek shole ko bujhaane ke liye

ye abr-e-nau hamaare kisi kaam kaa nahin
un ko pasand hi nahin baarish mein bhignaa

chaahat kaa jab mazaa hai ki vo bhi hon be-qaraar
donon taraf ho aag baraabar lagi hui

agar hon kachche gharondon mein aadmi aabaad
to ek abr bhi sailaab ke baraabar hai

aankh apni tiri abru pe jami rahti hai
roz is bait pe ham saad kiyaa karte hain