qisse se tire meri kahaani se ziyaada — Abrar Ahmad

yaad bhi teri miT gai dil se
aur kyaa rah gayaa hai hone ko

tu kahin baiTh aur hukm chalaa
ham jo hain teraa bojh Dhone ko

kahin koi charaagh jaltaa hai
kuchh na kuchh raushni rahegi abhi

bhar laae hain ham aankh mein rakhne ko muqaabil
ik khvaab-e-tamannaa tiri ghaflat ke baraabar

jis kaam mein ham ne haath Daalaa
vo kaam muhaal ho gayaa hai

har rukh hai kahin apne khad-o-khaal se baahar
har lafz hai kuchh apne maaani se ziyaada

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ik faqat yaad hai jaanaa un kaa
aur kuchh is ke sivaa yaad nahin

jaane kis ki thi khataa yaad nahin
ham hue kaise judaa yaad nahin

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

ik bahaana hai tujhe yaad kiye jaane kaa
kab saliqa hai mujhe varna ghazal gaane kaa