hijr mein bhi ham udaas utne na the — Adil Farooqui

na puchho husn ki taarif ham se
mohabbat jis se ho bas vo hasin hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

gham sabhi dil se rukhsat hue
dard be-intihaa rah gayaa

ye udaasi kaa sabab puchhne vaale 'ajmal'
kyaa kareinge jo udaasi kaa sabab batlaayaa