TuuTaa to huun magar abhi bikhraa nahin 'faraaz' — Ahmad Faraz

jo ghair the vo isi baat par hamaare hue
ki ham se dost bahut be-khabar hamaare hue

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

ye kaun phir se unhin raaston mein chhoD gayaa
abhi abhi to azaab-e-safar se niklaa thaa

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain