judaaiyaan to muqaddar hain phir bhi jaan-e-safar — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

ye kaun phir se unhin raaston mein chhoD gayaa
abhi abhi to azaab-e-safar se niklaa thaa

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

pakDaa huun kinaara-e-judaai
jaari mire ashk ki nadi hai

vaqt-e-rukhsat nishaani jo talab ki to kahaa
daagh kaafi hai judaai kaa agar yaad rahe

daaman pe loTne lage gir gir ke tifl-e-ashk
roe firaaq mein to dil apnaa bahal gayaa

jo zakhm judaai ke diye un pe miri jaan
sastaa saa hi marham tu lagaane ke liye aa

aisaa tire firaaq mein bimaar ho gayaa
main chaaraagar ki jaan ko aazaar ho gayaa

rahnaa tum chaahe jahaan khabron mein aate rahnaa
ham ko ehsaas-e-judaai se bachaate rahnaa