jitne achchhe hain main huun un mein buraa — Ahmad Husain Mail

mohabbat ne 'maail' kiyaa har kisi ko
kisi par kisi ko kisi par kisi ko

musalmaan kaafiron mein huun musalmaanon mein kaafir huun
ki quraan sar pe but aankhon mein hai zunnaar pahlu mein

tum ko maalum javaani kaa mazaa hai ki nahin
khvaab hi mein kabhi kuchh kaam huaa hai ki nahin

niind se uTh kar vo kahnaa yaad hai
tum ko kyaa sujhi ye aadhi raat ko

hai hukm-e-aam ishq alaihis-salaam kaa
puujo buton ko bhed kuchh in mein khudaa ke hain

naaz kar naaz tire naaz pe hai naaz mujhe
meri tanhaai hai partav tiri yaktaai kaa