chup raho to puchhtaa hai khair hai — Akhtar Ansari Akbarabadi

kuchh andhere hain abhi raah mein haail 'akhtar'
apni manzil pe nazar aaegaa insaan ik roz

— Akhtar Ansari Akbarabadi

abhi bahaar ne sikhi kahaan hai dil-jui
hazaar daagh abhi qalb-e-laala-zaar mein hain

— Akhtar Ansari Akbarabadi

zulm sahte rahe shukr karte rahe aai lab tak na ye daastaan aaj tak
mujh ko hairat rahi anjuman mein tiri kyuun hain khaamosh ahl-e-zabaan aaj tak

— Akhtar Ansari Akbarabadi

dushmani ko buraa na kah ai dost
dekh kyaa dosti hai ghaur se dekh

— Akhtar Ansari Akbarabadi

ajiib bhul-bhulayyaan hai shaahraah-e-hayat
bhaTakne vaale yahaan justuju ki baat na kar

— Akhtar Ansari Akbarabadi

bachaa bachaa ke guzarnaa hai daaman-e-hasti
sharik-e-khaar bhi kuchh jashn-e-nau-bahaar mein hain

— Akhtar Ansari Akbarabadi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

use jis shab madhur aavaaz mein gaanaa thaa laazim
rivaayat hai ki us shab bhi parinda chup rahaa thaa

— Siraj Ajmali

nazar jhuk rahi hai khamoshi hai lab par
hayaa hai adaa hai ki an-ban hai kyaa hai

— Kausar Mazhari

vo ek shakhs to patthar uchhaal kar chup hai
samundaron se abhi tak sadaaein aati hain

— Khalid Nadeem Budauni

na kisi aah ki aavaaz na zanjir kaa shor
aaj kyaa ho gayaa zindaan mein ki zindaan chup hai

— Makhdoom Mohiuddin