bachaa bachaa ke guzarnaa hai daaman-e-hasti — Akhtar Ansari Akbarabadi

abhi bahaar ne sikhi kahaan hai dil-jui
hazaar daagh abhi qalb-e-laala-zaar mein hain

zulm sahte rahe shukr karte rahe aai lab tak na ye daastaan aaj tak
mujh ko hairat rahi anjuman mein tiri kyuun hain khaamosh ahl-e-zabaan aaj tak

dushmani ko buraa na kah ai dost
dekh kyaa dosti hai ghaur se dekh

ajiib bhul-bhulayyaan hai shaahraah-e-hayat
bhaTakne vaale yahaan justuju ki baat na kar

ik husn-e-mukammal hai to ik ishq-saraapaa
hoshyaar saa ik shakhs hai divaana saa ik shakhs

kuchh andhere hain abhi raah mein haail 'akhtar'
apni manzil pe nazar aaegaa insaan ik roz

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

paagal-pan mein aa kar paagal kuchh bhi to kar saktaa hai
khud ko izzat-daar samajhne vaale mujh se duur rahein

ab tak tire honTon pe tabassum kaa gumaan hai
ham ko to hai mahbub yahi aadh-khilaa phuul

koi samjhegaa kyaa raaz-e-gulshan
jab tak uljhe na kaanTon se daaman