dil-o-nazar ko abhi tak vo de rahe hain fareb — Ali Sardar Jafri

inqalaab aaegaa raftaar se maayus na ho
bahut aahista nahin hai jo bahut tez nahin

— Ali Sardar Jafri

sau milin zindagi se saughaatein
ham ko aavaargi hi raas aai

— Ali Sardar Jafri

puraane saal ki ThiThuri hui parchhaaiyaan simTin
nae din kaa nayaa suraj ufuq par uThtaa aataa hai

— Ali Sardar Jafri

daaman jhaTak ke vaadi-e-gham se guzar gayaa
uTh uTh ke dekhti rahi gard-e-safar mujhe

— Ali Sardar Jafri

shikaayatein bhi bahut hain hikaayatein bhi bahut
mazaa to jab hai ki yaaron ke ru-ba-ru kahiye

— Ali Sardar Jafri

ye kis ne phone pe di saal-e-nau ki tahniyat mujh ko
tamannaa raqs karti hai takhayyul gungunaataa hai

— Ali Sardar Jafri

kuchh to majburiyaan rahi hongi
yuun koi bevafaa nahin hotaa

— Bashir Badr

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

yaar main itnaa bhukaa huun
dhokaa bhi khaa letaa huun

— Aks Samastipuri

'aarif'-husain dhokaa sahi apni zindagi
is zindagi ke baa'd ki haalat bhi hai fareb

— Arif Shafiq