puraane saal ki ThiThuri hui parchhaaiyaan simTin — Ali Sardar Jafri

inqalaab aaegaa raftaar se maayus na ho
bahut aahista nahin hai jo bahut tez nahin

sau milin zindagi se saughaatein
ham ko aavaargi hi raas aai

daaman jhaTak ke vaadi-e-gham se guzar gayaa
uTh uTh ke dekhti rahi gard-e-safar mujhe

shikaayatein bhi bahut hain hikaayatein bhi bahut
mazaa to jab hai ki yaaron ke ru-ba-ru kahiye

bahut barbaad hain lekin sadaa-e-inqalaab aae
vahin se vo pukaar uThegaa jo zarra jahaan hogaa

ye kis ne phone pe di saal-e-nau ki tahniyat mujh ko
tamannaa raqs karti hai takhayyul gungunaataa hai