shikaayatein bhi bahut hain hikaayatein bhi bahut — Ali Sardar Jafri

inqalaab aaegaa raftaar se maayus na ho
bahut aahista nahin hai jo bahut tez nahin

sau milin zindagi se saughaatein
ham ko aavaargi hi raas aai

puraane saal ki ThiThuri hui parchhaaiyaan simTin
nae din kaa nayaa suraj ufuq par uThtaa aataa hai

daaman jhaTak ke vaadi-e-gham se guzar gayaa
uTh uTh ke dekhti rahi gard-e-safar mujhe

bahut barbaad hain lekin sadaa-e-inqalaab aae
vahin se vo pukaar uThegaa jo zarra jahaan hogaa

ye kis ne phone pe di saal-e-nau ki tahniyat mujh ko
tamannaa raqs karti hai takhayyul gungunaataa hai

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa

nigaahon mein jo manzar ho vahi sab kuchh nahin hotaa
bahut kuchh aur bhi pyaare pas-e-divaar hotaa hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

yaa-rab vo na samjhe hain na samjheinge miri baat
de aur dil un ko jo na de mujh ko zabaan aur