tum kisi ke bhi ho nahin sakte — Ameer Raza Mazhari

ham ko bachpan hi se ik shauq thaa barbaadi se
naam likh likh ke miTaate the zamin par apnaa

ham hain un se vo ghair se maayus
kyaa mohabbat kisi ko raas nahin

kyaa taajjub hai jo yaaron ne rifaaqat chhoDi
baiThtaa kaun hai girti hui divaar ke paas

dekhne vaale samajhte hain shanaasaa bhi nahin
aaj begaane nazar aate hain ham tum kitne

hamaare baa'd sunnaa dusron se
kahaani ye abhi puuri nahin hai

ham bane the tabaah hone ko
aap kaa ishq to bahaana thaa