ham bane the tabaah hone ko — Ameer Raza Mazhari

tum kisi ke bhi ho nahin sakte
tum ko apnaa banaa ke dekh liyaa

ham ko bachpan hi se ik shauq thaa barbaadi se
naam likh likh ke miTaate the zamin par apnaa

ham hain un se vo ghair se maayus
kyaa mohabbat kisi ko raas nahin

kyaa taajjub hai jo yaaron ne rifaaqat chhoDi
baiThtaa kaun hai girti hui divaar ke paas

dekhne vaale samajhte hain shanaasaa bhi nahin
aaj begaane nazar aate hain ham tum kitne

hamaare baa'd sunnaa dusron se
kahaani ye abhi puuri nahin hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tere kahne se main ab laaun kahaan se naaseh
sabr jab is dil-e-muztar ko khudaa ne na diyaa

filfil-e-khaal-e-malaahat ke tasavvur mein tire
charcharaahaT hai kabaab-e-dil-e-biryaan mein kyaa

mohabbat adaavat vafaa be-rukhi
kiraae ke ghar the badalte rahe

mohabbat ek khushbu hai hamesha saath chalti hai
koi insaan tanhaai mein bhi tanhaa nahin rahtaa