bahut aziiz na kyuun ho ki dard hai teraa — Arshi Bhopali

ham to aavaara-e-sahraa hain hamein kyaa matlab
un ki mahfil mein junun ki koi tauqir sahi

— Arshi Bhopali

nigaah-e-naaz ki maasumiyat are tauba
jo ham fareb na khaate to aur kyaa karte

— Arshi Bhopali

hamein to apni tabaahi ki daad bhi na mili
tiri navaazish-e-bejaa kaa kyaa gilaa karte

— Arshi Bhopali

mauquf fasl-e-gul pe nahin raunaq-e-chaman
nazrein javaan hon to khizaan bhi bahaar hai

— Arshi Bhopali

ajiib chiiz hai ye shauq-e-aarzu-mandi
hayaat miT ke rahi dil kharaab ho ke rahaa

— Arshi Bhopali

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali