ajiib chiiz hai ye shauq-e-aarzu-mandi — Arshi Bhopali

ham to aavaara-e-sahraa hain hamein kyaa matlab
un ki mahfil mein junun ki koi tauqir sahi

nigaah-e-naaz ki maasumiyat are tauba
jo ham fareb na khaate to aur kyaa karte

hamein to apni tabaahi ki daad bhi na mili
tiri navaazish-e-bejaa kaa kyaa gilaa karte

bahut aziiz na kyuun ho ki dard hai teraa
ye dard baDh ke rahaa iztiraab ho ke rahaa

mauquf fasl-e-gul pe nahin raunaq-e-chaman
nazrein javaan hon to khizaan bhi bahaar hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

maanaa ki zindagi mein hai zid kaa bhi ik maqaam
tum aadmi ho baat to sun lo khudaa nahin