ajnabi mujh se aa gale mil le — Asif Raza

ye dil mein vasvasa kyaa pal rahaa hai
tiraa milnaa bhi mujh ko khal rahaa hai

bhuul baiThaa huun main zamaane ko
ab zamaana bhi bhuul jaae mujhe

teraa meraa hai gumaan kaa rishta
tu hai meri tiri ijaad huun main

aansuon ko fuzul mat samjho
ye baDe qimti sahaare hain

jatan to khuub kiye us ne Taalne ke magar
main us ki bazm se us ke javaab tak na uThaa

ye miri bazm nahin hai lekin
dil lagaa hai to lagaa rahne do

jab ki pahlu se yaar uThtaa hai
dard be-ikhtiyaar uThtaa hai

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

insaaf ke parde mein ye kyaa zulm hai yaaro
dete ho sazaa aur khataa aur hi kuchh hai

mujh ko manzur nahin ishq ko rusvaa karnaa
hai jigar chaak magar lab pe hansi hai ai dost

tum samundar ki rifaaqat pe bharosa na karo
tishnagi lab pe sajaae hue mar jaaoge

ajab taqaazaa hai mujh se judaa na hone kaa
ki jaise kaun-o-makaan mere ikhtiyaar mein hai