ye dil mein vasvasa kyaa pal rahaa hai — Asif Raza

bhuul baiThaa huun main zamaane ko
ab zamaana bhi bhuul jaae mujhe

teraa meraa hai gumaan kaa rishta
tu hai meri tiri ijaad huun main

aansuon ko fuzul mat samjho
ye baDe qimti sahaare hain

ajnabi mujh se aa gale mil le
aaj ik dost yaad aae mujhe

jatan to khuub kiye us ne Taalne ke magar
main us ki bazm se us ke javaab tak na uThaa

ye miri bazm nahin hai lekin
dil lagaa hai to lagaa rahne do

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye na jaanaa the ki us mahfil mein dil rah jaaegaa
ham ye samjhe the chale aaeinge dam bhar dekh kar

laakh aabaad-e-tamannaa ho ke dil
phir bhi viraan hai na jaane kis liye

khushi daaman-kashaan hai dil asir-e-gham hai barson se
hamaari zindagi kaa ek hi aalam hai barson se

kaise us ko dil ki haalat samjhaaun
baat karun to aankh churaane lagtaa hai