aansuon ko fuzul mat samjho — Asif Raza

ye dil mein vasvasa kyaa pal rahaa hai
tiraa milnaa bhi mujh ko khal rahaa hai

bhuul baiThaa huun main zamaane ko
ab zamaana bhi bhuul jaae mujhe

teraa meraa hai gumaan kaa rishta
tu hai meri tiri ijaad huun main

ajnabi mujh se aa gale mil le
aaj ik dost yaad aae mujhe

jatan to khuub kiye us ne Taalne ke magar
main us ki bazm se us ke javaab tak na uThaa

ye miri bazm nahin hai lekin
dil lagaa hai to lagaa rahne do

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

us ne haathon ki lakiron se baghaavat ki thi
ab jahaan hogaa miri tarah vo tanhaa hogaa

allaah re be-khudi ki tire ghar ke aas-paas
har dar pe di sadaa tire dar ke khayaal mein

suune suune se darichon se udaasi jhaanke
kyaa ajab khauf hai chehre bhi kisi dar mein nahin