puchhne vaalon ne puchhaa haath kaise jal gayaa — Ateeb Quadri

jin ki ungli thaam ke chalnaa sikhaa thaa
haae ab un ko buDhaa hote dekhnaa hai

— Ateeb Quadri

koi kashti kahin maghrur ho jaae na paani mein
sukut-e-bahr ko qasdan talaatum honaa paDtaa hai

— Ateeb Quadri

agli naslein kar sakein tafriq-e-duniyaa-o-iram
maaon ke qisson mein bhi shaddaad honaa chaahiye

— Ateeb Quadri

tumhaare hijr mein jab bhi calendar par nigaah Daali
sitambar ke mahine ko sitamgar hi paDhaa main ne

— Ateeb Quadri

hamaare sar pe pech-o-kham kaa ye saafa viraasat hai
ki tum pagDi samajhte ho jise ham taaj kahte hain

— Ateeb Quadri

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri