haar ko jiit ke imkaan se baandhe hue rakh — Azlan Shah

haare hue logon ki kahaani ki tarah hain
ham log bhi bahte hue paani ki tarah hain

kamaan na tiir na talvaar apni hoti hai
magar ye duniyaa ki har baar apni hoti hai

na haath suukh ke jhaDte hain jism se apne
na shaakh koi samar-baar apni hoti hai

tavil umr ki Dheron duaaein bheji hain
mire charaagh ko paani se bharne vaalon ne

mujh ko pahchaan tu ai vaqt main vo huun jo faqat
ek ghalati ke liye arsh-e-barin se niklaa

kis liye is se nikalne ki duaaein maangun
mujh ko maalum hai manjdhaar se aage kyaa hai