tavil umr ki Dheron duaaein bheji hain — Azlan Shah

haare hue logon ki kahaani ki tarah hain
ham log bhi bahte hue paani ki tarah hain

kamaan na tiir na talvaar apni hoti hai
magar ye duniyaa ki har baar apni hoti hai

na haath suukh ke jhaDte hain jism se apne
na shaakh koi samar-baar apni hoti hai

haar ko jiit ke imkaan se baandhe hue rakh
apni mushkil kisi aasaan se baandhe hue rakh

mujh ko pahchaan tu ai vaqt main vo huun jo faqat
ek ghalati ke liye arsh-e-barin se niklaa

kis liye is se nikalne ki duaaein maangun
mujh ko maalum hai manjdhaar se aage kyaa hai

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai